ZYRTARE/ Ja data kur do të zhvillohen zgjedhjet në vitin 2017

Presidenti Bujar Nishani ka dekretuar sot datën kur do të zhvillohen zgjedhjet parlamentare të vitit 2017.

Sipas dekretit, zgjedhjet për Kuvendin do të zhvillohen ditën e diel, më datë 18 qershor 2017.

“Në mbështetje të nenit 92 shkronja “gj” dhe 93 të Kushtetutës së Republikës së Shqipërisë, si dhe të nenit 9, paragrafi 1 dhe 2, të ligjit nr. 10019, datë 29.12.2008 “Kodi Zgjedhor i Republikës së Shqipërisë”, i ndryshuar, dekretoj: Zgjedhjet për Kuvendin të zhvillohen ditën e diel, më datë 18 qershor 2017″, thuhet në dekretin e nxjerrë sot nga Presidenti.