Zgjedhjet për kreun e PD-së, procesi i numërimit drejt fundit, kush pritet të marrë drejtimin

Janë zhvilluar zgjedhjet për kreun e Partisë Demokratike ditën e sotme, ku kanë garuar ish-kryeministri Sali Berisha dhe Ibsen Elezi.

Numërimi i votave deri më tani tregon se Sali Berisha pritet të rimarrë drejtimin e kësaj force politike pas 9 vitesh largimi.

Nga rezultatet e siguruara nga qendrat e numërimit, Sali Berisha kryeson përballë rivalit të tij Ibsen Elezi.

Lëvizja që nisi Sali Berisha erdhi pasi ai u përjashtua nga grupi i PD, pasi u shpall non grata nga SHBA. Ai nisi një fushatë kundër Lulzim Bashës, duke bërë që ky i fundit të japë dorëheqjen, ndërsa PD u fut në një krizë.

Sali Berisha dhe Ibsen Elezi jane dy kandidatët për kryetar të PD, në zgjedhjet për kreun e PD, te cilat organizohen nga Komisioni i Rithemelimit.

I shoqëruar nga bashkëshortja e tij, Berisha iu drejtua qendrës së votimit rreth orës 11:00. Ai e cilësoi procesin historik jo vetëm për Partinë Demokratike, por për Shqipërinë.

Berisha komentoi edhe procesin e zgjedhjes së presidentit duke e quajtur mafioz dhe antikushtetues. Votën e hodhi edhe Ibsen Elezi, i cili kërkoi që të mos bëhen shkelje gjatë këtij procesi.