Zërat se janë prishur marrëdhëniet me Gent Cakajn për postin që iu dha Ditmir Bushatit? Reagon për herë të parë Rama

Pas lajmeve se mes kryeministrit dhe ministrit me kompetenca të deleguara Gent Cakaj janë ftohur marrëdhëniet pasi ai i besoi zëvendësimin e tij Ditmir Bushatit në krye të OSBE, ka ardhur reagimi i vetëm Ramës.

Rama sonte ka shpërndarë një postim të Cakajt dhe e shoqëron me mbishkrimin: “Super! Bravo Gent dhe përgëzime miqve nga Presheva.Bashkimi bën fuqinë”, referuar takimit në Tiranë me përfaqësuesit politikë të Luginës së Preshevës.

Ky takim kishte në fokus diskutime që lidhen me krijimin e një liste të përbashkët të partive shqiptare në zgjedhjet e ardhshme parlamentare në Serbi. Kjo listë, e cila bazohet në parime të qarta programore, do të quhet “Alternativa Demokratike Shqiptare – Lugina e Bashkuar”.