Zbulohet programi i PS, këto janë premtimet kryesore

Të martën, në Kongresin e Partisë Socialiste u zbuluan disa prej pikave kyçe të programit qeverisës 2017-2021.

Lexo.al ka përmbledhur të gjithë premtimet kryesore të 4-vjeçarit të ardhshëm, të cilat janë:

Rritja e pagave në sektorin publik me 40%.

Rritja e pagës minimale në 30 mijë Lekë.

Përfundimi 100% i procesit të legalizimeve.

Përfundimi 100% i procesit të shpërndarjes së lejes mbi tokën bujqësore.

Bërja e mundur që çdo tokë bujqësore të furnizohet me ujë.

Për bujqësinë: Plotësimi i rrjetit të grumbullimit në çdo zonë, modernizimi i tregjeve, rritja e financimeve direkte nga Fondi Kombëtar i Garancisë dhe nga fondet europiane.

Përshpejtimi i rritjes ekonomike, që brenda mandatit do të tejkalojë 5%.

3,8 miliardë euro investime.

Ulja e borxhit nën nivelin e 60% të PBB.

Në QSUT, parashikohet ndërtimi i një spitali të ri për kirurgjinë, një spital i ri për sëmundjet e brendshme dhe zgjerimi i spitalit të pediatrisë.

Gjithashtu, në shëndetësi, parashikohet ngritja e një spitali ekselence në Fier dhe i 10 qendrave të reja spitalore në gjithë Shqipërinë.