Vladimir Putin uron Bajram Begajn: Shëndet dhe suksese në detyrën e lartë shtetërore

Presidenti i Rusisë, Vladimir Putin, ka uruar presidentin sapozgjedhur Bajram Begajn për zgjedhjen e tij në krye të shtetit shqiptar.

Urimi është shpërndarë nga faqja zyrtare në “Facebook” e Ambasadës së Rusisë në vendin tonë.
Në mesazh Putin i uron shëndet dhe suksese në detyrën më të lartë shtetërore, Bajram Begajt.

Postimi:

“Presidenti i Federatës Ruse, Vladimir Putin, i ka përcjellë urime z.Bajram Begaj për zgjedhjen e tij në postin e Presidentit të Republikës së Shqipërisë dhe i uroi shëndet dhe suksese në detyrën e tij më të lartë shtetërore”, thuhet në postimin e ambasadës ruse në Tiranë.