U rizgjodh si kryetar i Akademisë së Shkencave, Gjinushi: I vetëm në garë? S’jeni ju më të mençur se 53 akademikë

Kryetari i rizgjedhur i Akademisë së Shkencave Skënder Gjinushi ka dhënë një prononcim për mediat pas procesit me dyer të mbyllura të votimit.

I pyetur se si ndihet që ka qenë i vetëm në garë, Gjinushi u shpreh se procesi ishte tërësisht demokratik.

“Gjithkush nga Akademikët kanë qenë i ftuar dhe jo vetëm se ligji ta jep të drejtën. Në një shoqëri demokratike, lejohet kandidimin e lirë, kur pengohet është problem. Ende se keni kuptuar që në institucionet si Akademia e Shkencave, dinë të vlerësojnë se kush do të jetë ekipi drejtues dhe kolaudohet se cila reformë, cila alternativë do duhet mbështetur? Kur merr shume vota në mandat të dytë i bie që ke punuar shumë mirë. Garë është se votohet po jo. Vazhdoni i bini një kambanë. Dinë se ç’bëjnë 53 akademikë. Mos bëni sikur jeni më të mençur se akademikët”, tha Gjinushi.