Tragjedia e dyfishtë në familjen shqiptare në New York, burri hedh gruan nga ballkoni dhe më pas vetëhidhet, lanë pas 2 fëmijë të mitur

SHBA- Detaje të reja kanë dalë nga ngjarja e rëndë brenda familjes shqiptare në New York, ku mësohet se Florind Belliu, 35-vjeç një aktor shqiptar ka hedhur nga ballkoni i apartamentit ku jetonin prej disa vitesh në New York, bashkëshorten e tij Ornelën, rreth 30-vjeçe.

Pasi ka kryer aktin e rëndë, i riu është hedhur edhe vetë, duke shënuar një tragjedi për familjen shqiptare.

Mësohet se Ornela, do të festonte ditëlindjen e saj, por festa e ditëlindjes është kthyer në tragjedi për familjen Belliu.

Çifti ishin prindër të dy fëmijëve të mitur 6 dhe 2 -vjeç.

Familja Belliu jetonte prej vitesh në New York, por nuk kishin mundur të pajiseshin me dokumenta të rregullta.

Po ashtu, mësohet se çifti ka pasur vazhdimisht konflikte mes tyre.