Taulant Balla humb njeriun e tij të shtrenjtë, ndan lajmin e hidhur dhe bën dedikim prekës

Kreu i Grupit Parlamentar të PS-së, Taulant Balla ka bërë një dedikim prekës për ndarjen nga jeta të mikut të tij Ervin Saraçi.

Ky i fundit ishte zëvendës kryetar në Bashkinë e Elbasanit dhe humbi jetën në moshën 37-vjeçare.

Fatkeqësisht Saraçi pësoi një goditje cerebrale dhe prej ditësh po luftonte për jetën e tij në spital. Përmes një postimi në rrjetet sociale, Balla shkruan se Ervini nuk ishte vetëm nënkryetari i Bashkisë, por edhe shërbëtor i përkushtuar i banorëve të Elbasanit.

“Lamtumirë miku im i shtrenjtë Ervin Saraçi! Ti nuk ishe vetëm nënkryetari i Bashkisë, ti ishe një shërbëtor i përkushtuar i banorëve të Elbasanit. Zor se gjenden njerëz me gatishmërinë tënde për t’ju gjendur në çdo orë gjithkujt që kishte nevojë.

Qofsh i Parajsës!” – shkruan Balla.