Soreca rikthehet ambasador i BE, diplomati italian në krye të delegacionit në Tiranë më 1 shtator

Luigi Soreca rikthehet si ambassador i Bashkimit Europian në Tiranë.

Pas largimit të gjermanes Christine Hohman e cila hoqi dorë nga shërbimi diplomatik i BE për t’iu rikthyer diplomacisë gjermane, si ambasadore në Irak, pritet që nga 1 shtatori në Shqipëri, delegacionin e BE ta drejtojë diplomati Italian.

Luigi Soreca ka qenë në këtë detyrë në vendin tonë për katër vite rresht gjatë periudhës 2018-2022.

Ai u largua nga Shqipëria një vit më parë dhe prej asaj kohet ka shërbyer në ekipin e Përfaqësuesit të Lartë te Bashkimit Europian ne Bruksel, Josep Borrell.