Si u zbulua krimi i pasionit në Vlorë, çfarë i tha gruaja vrasësit të burrit, përgjimi i mesazheve

Kasëm Pirjasi dhe Hysnie Hoxhallarikanë dalë sot përpara trupit gjykues.

Gazetarja e Fax News raporton se çifti ka qenë në përgjim ambjental për 30 ditë dhe janë zbardhur mesazhet.

“Ç’më bëre, më more në qafë,”- mësohet se i ka shkruan Hysnia me mesazh Kasëmit.

Me fillimin e seancës dy të arrestuarit do të njihen me akuzat.

Në Gjykatë nuk ka asnjë familjar, përveç gruas së Kasëmit.

Ditën e sotme në të nëjtën seancë gjyqësorë, do të jepet edhe masa e arrestit.

Mësohet se gjyqtare është Esmerilda Gabili dhe Prokuror Maksim Sota.

Vetëm dy ditë më parë ndodhi krmi makabër në qytetin e Vlorës.

Kasem Pirjasi është një 26­ vjeçar i martuar, baba i dy fëmijëve i cili kishte një lidhje jashtë martesore me Hysnie Hoxhallarin.

Mësohet se që kur Olsi Hoxhallari ishte kthyer nga Greqia për shkak të festave të fundvitit , ai nuk kishte me mundësi ta takonte 38 ­vjeçaren e cila është nga fshati Strume i Fierit.

Dy të arrestuarit kishin pasur një histori që në fshat dhe përpara se Hysnia të martohej me të ndjerin.

Madje, sipas fakteve për këtë martesë kishte ndërhyrë Kasëm Pirjasi, i cili është i afërm me një nga kushërinjtë e viktimave.

I pyetur nga policia Kasëm Pirjasi ka rrëfyer se pasi Olsi ishte kthyer nga Greqia ai nuk po e takonte më dot të dashurën.

Në këto kushte ka bërë edhe planin, ndërkohë që Hysnia këmbëngul se nuk dinte asgjë për vrasjen. Gruaja ka shtuar se pasi Kasëmi i kishte vrarë të dy, edhe bashkëshortin dhe vjehrrën ,ai e kishte njoftuar për masakrën.

“E lava hanxharin ka rrëfyer gruaja e cila ka treguar edhe vendin ku ishte fshehur, ai i vendosi zjarrin banesës së vogël dhe kur ai iku, unë prita deri në orën katër të mëngjesit dhe pastaj njoftova policinë,”- tha ajo.