Shkarkohet zv/drejtori i Policisë së Shtetit, ja kush e zëvendëson

Pas emërimit të Ardi Veliajt si drejtor i Përgjithshëm i Policisë së Shtetit, ka të tjera lëvizje në radhët e policisë.

Mbrëmjen e sotme është shkarkuar nga detyra e zv.drejtorit të Përgjithshëm të Policisë, Rebani Jaupaj, dhe në vend të tij është emëruar Gjovalin Lokaj.

Ndërsa Jaupaj është emëruar Drejtor i Analizës së Informacionit në Policinë e Shtetit, duke zëvendësuar në këtë detyrë Shaban Nexhin.

Gjovalin Lokaj ka mbajtur detyrën e Drejtorit të Policisë së Shkodrës.