Serbët në Zveçan sulmojnë me gurë kamionin që vinte nga Shqipëria

Policia e Kosovës, ka njoftuar se një shqiptar i cili ishte me kamion duke lëvizur në Zveçan, është sulmuar me gurë nga gjashtë persona.

Rasti ka ndodhur të shtunën rreth orës 19:00.

Njoftimi i plotë:

“Rudar, Zveçan 17.06.2023-19:00. Ankuesi mashkull Shqiptar shtetas i Shqipërisë ka raportuar se ka qenë me kamion, 5-6 persona të panjohur e kanë sulmuar me gurë dhe i kanë dëmtuar derën e kamionit dhe janë larguar në drejtim të panjohur, rasti në procedurë hetimore”, njofton policia.