Samiti i Sllovenisë, reagon Soreca dhe ndan lajmin shpresëdhënës për hapjen e negociatave

Ambasadori i BE-së, Luigi Soreca, ka reaguar në lidhje me samitin që është duke u mbajtur në Brdo të Sllovenisë. Soreca tha se erdhi mesazhi i qartë se Ballkani Perëndimor i përket BE-së, pasi ndajnë të njëjtat vlera dhe histori.

Presidentja Von der Leyen e tha në Brdo: “Ne duam të dërgojmë një mesazh shumë të qartë. Ballkani Perëndimor i përket Bashkimit Europian. Ne i duam ata në BE. Jemi një familje europiane. Ne ndajmë të njëjtën histori, vlera dhe jam e bindur se ndajmë të njëjtin fat, gjithashtu”.