Rrëzohet avioni në Algjeri, dyshohet për qindra të vdekur

Mendohet se shumë persona mund të kenë vdekur, pasi një aeroplan ushtarak u rrëzua të mërkurën në mëngjes në Algjeri. Mediat lokale raportojnë se numri i viktimave mund të jetë mbi 200.

Mediat televizive theksojnë se 14 autoambulanca janë në vendngjarje, ndërsa shumë të plagosur janë duke u transportuar në spital.

Ngjarja e rëndë ndodhi të mërkurën në mëngjes në aeroportin ushtarak Boufarik, një bazë e forcave ushtarake ajrore pranë kryeqytetit, Algjer.

Pamjet pranë vendit të ngjarjes tregojnë një re të madhe tymi, e cila vjen nga avioni i shkatërruar në një fushë.