Robotë të vegjël për trajtimin e kancerit

Robotë të vegjël së shpejti do të bëjnë trajtime në pjesë të vështira të trupit për të shpëtuar jetën e njeriut.

Shkencëtarët kanë zhvilluar makineri të vogla të quajtura biohybrid, pak a shumë sa madhësia e një qelize të kuqe të gjakut. Gjatë testeve fillestare, robotët bënë guidën magnetikisht në stomakun e minjve, ku ata vranë tumoret kanceroze duke duke lënë qelizat e shëndetshme të padëmtuara.

Studiuesit shpresojnë se e njëjta teknikë mund të përdoret tek njerëzit për të shpërndarë ilaçin në zona të largëta.

Robotët u prodhuan nga një ekip ndërkombëtar hulumtuesish të udhëhequr nga Universiteti Kinez i Hong Kongut, duke mbuluar algat e vogla me grimca magnetike.

Ato mund të gjurmohen në inde afër sipërfaqes së lëkurës duke imazhuar luminescencën natyrale të algave dhe në indet e thella të vështira për t’u arritur me rezonancë magnetike (MRI).

Doktor Qi Zhou, një nga autorët e studimit, tha se robotët e vegjël që veprojnë në distancë mund të përdoreshin në një sërë mënyrash, duke përfshirë diagnostifikimin e sëmundjeve dhe dhënien e terapive për pjesë të trupit që janë të vështira për t’u trajtuar, shkruan oranews

Dr. Zhou shtoi se robotët gjithashtu mund të ndiejnë ndryshimet kimike të lidhura me fillimin e sëmundjes brenda pjesëve të trupit.

Ekipi zhvilloi mikro-robotët duke veshur algat mikroskopike të quajtura Spirulina platensis me grimca magnetike jo të dëmshme, biokompatibile.