Rama për Rrugën e Kombit: Taksa për kuksianët, 3 euro

Nga 10 euro që do të jetë tarifa e zakonshme për të kaluar në rrugën e Kombit, qeveria synon ta ulë në 3 euro për banorët e Kukësit.

Lajmi u raportua në Tv Klan që citon burime konfidenciale nga negociatat që po bëhen mes qeverisë dhe kompanisë së konçensionarit për mirëmbajtjen e Rrugës së Kombit.

Gjithsesi ende nuk ka një vendim përfundimtar për këtë çështje, pasi Rama premtoi se do të negociojë jo vetëm me konçensionarin, por edhe me banorët e Kukësit para se të marrë një vendim për tarifën që duhet paguar në sportele.