Propozimi i Biden, Hamasi shpreh gatishmërinë për t’u angazhuar në armëpushim të përhershëm

Hamasi thotë se është i gatshëm të “angazhohet pozitivisht dhe në mënyrë konstruktive me çdo propozim” bazuar në “një armëpushim të përhershëm”.

“Hamasi i sheh pozitivisht vërejtjet në fjalimin e sotëm të presidentit amerikan Joe Biden dhe thirrjen e tij për një armëpushim të përhershëm, tërheqje të forcave pushtuese nga Rripi i Gazës, rindërtim dhe shkëmbim të të burgosurve”, thuhet në një deklaratë.

Grupi militant shtoi se dëshiron “kthimin e të zhvendosurve në shtëpitë e tyre në të gjithë Gazën dhe përfundimin e një marrëveshjeje serioze të shkëmbimit të të burgosurve nëse Izraeli angazhohet në mënyrë eksplicite për këtë”.

“Ne e konsiderojmë këtë pozicion amerikan dhe bindjet rajonale dhe ndërkombëtare për nevojën për t’i dhënë fund luftës në Gaza si rezultat i qëndrueshmërisë legjendare të popullit tonë dhe rezistencës së tyre të guximshme”, thuhej më tej në deklaratë.