Deputetja e PD Jorida Tabaku, në një dalje për mediat tha se nuk ka dijeni për mbledhje firmash që shkarkojnë kreun e grupit Enkelejd Alibeaj dhe u shpreh se nuk është thirrur për një mbledhje grupi.
“Nuk më ka thirrur askush për mbledhje grupi, nuk kam asnjë dijeni po mblidhen nuk po mblidhen firmat dhe cili është procesi” u shpreh Tabaku ndërsa tha se e sheh të dhimbshme që “opozita sot është më e pabesueshme se qeveria”.
Në fjalën e saj, Tabaku la të kuptohej që nuk e mbështet vendosjen e Ervin Salianjit në krye të grupit kuvendor dhe nuk e sheh si bashkim këtë proces.
“Nuk mendoja se duhej të arrinte në këtë pikë, ka një kryetar grupi që në të mirë e në të keq e ka ushtruar detyrën e tij. Mënyra si bashkohet PD është duke qenë të gjithë bashkë e duke dalë edhe me kandidat të përbashkët”, tha Tabaku.
Diskutime rreth kësaj post