Ndjesë e munguar!

Nga Saimir Blloku

E ftohtë, e disiplinuar në qëndrim dhe në veshje ashtu siç i kërkohet portretit të një mësueseje matematike. Kur i trokiti në derë fati për të qenë Ministre Arsimi ishte e ndrojtur, por e vetëdijshme për punën që e priste sepse vinte nga sistemi arsimor ku patjetër do ketë pasur dhe ajo pakënaqësitë e veta.

Pa shumë fjalë ashtu si ne i duam politikanët tanë ku dhe vetë politika na dha shpresë dhe për faktin se është dhe nënë vetë. Ndonjëherë të jep pamjen e një njeriu të ndrydhur që zor se di të bëj diçka.

Epo kësaj radhe i trokiti përsëri fati!

Sa shumë shpejt u konvertua në sistemin e vlerave që udhëheqin mazhorancën. Kush e di? Disiplina politikes lart s’ka çfarë i duhet, ka menduar, në fakt ka pasur të drejtë. Ky vit ishte i saj, pasi ishte në qendër të ciklonit të reformës që pretenduan të sukseshme, por që u sajua orëve të fundit. Por, kështu ndodh gjithmonë, duhen kënaqur të gjithë.

Mijëra maturantë prisnin përgjigje dhe sigurisht zgjidhje për fatin e shkollës tyre. Jo vetëm studentët por dhe prindërit e tyre të mbërthyer nga ankthi që mbarte me vehte një faturë financiare për ata që u bënë njësh me reformën. S’po kuptohej ç’po bëhej, frika i kishte mbërthyer të gjithë si nxënësit e mirë por edhe ata që kërkonin të përfitonin nga sistemi. Gjithsesi zgjidhja erdhi.

Përsëri në mes panikut dhe instiktit rrëmuja mori formë, si gjithmonë ndodh rëndomtë te ne . Disa në shtet, disa në privat e disave iu urua“Suksese në jetë”. U gjet formula, hapat e para janë gjithmonë të vështirë dhe kismet për vitin tjetër se çfarë reforme fati na sjellë. Pas gjithë kësaj rrëmuje, kërkohej një akt politik, nje ndjes publike, një ndjesë për ato që se kuptuan reformën por edhe për ata që përfituan padrejtësisht, por ky veprim nuk erdhi.

Meqë ky veprim nuk erdhi e solli ajo, Mirela me bojë të kuqe për ta ndihmuar apo rikujtuar, si nuk u s’kuqe nga turpi nga ato që u bënë apo nga ato që dhe nuk bënë.

E megjithatë shpresë ka, sa ti kthehen fëmijët Zonjës së parë të arsimit si dhe femijet e mbare kualicionit.

Ato studiojnë jashtë për një jetë më të mirë dhe sigurisht ato do shërbejnë si satelit për lehtësimin dhe përmirsimin e cilësis në vend…nejse…/Shkruar për Lajme.al/