Ndeshja Shqipëri-Hungari në “Elbasan Arena”, FSHF zbulon njoftimin e rëndësishëm

Shqipëria do të presë në datën 5 shtator Hungarinë për sfidat eliminatore të Botërorit ‘’Katar 2022’’. Pak ditë më parë, FSHF-ja bëri me dije se ndeshja do të luhet në stadiumin ‘’Elbasan Arena’’ dhe jo në ‘’Air Albania’’ për shkak se tek ky i fundit po vendoset tapeti i ri dhe nuk duan të nxitojnë me përgatitjet.

Por, një tjetër njoftim ka ardhur ditën e sotme nga federata, ai mbi biletat e ndeshjes. Stadiumi do të presë 30% të kapacitetit ashtu siç e parashikon dhe ligji për masat anti-covid. Biletat mund të blihen pas datës 23 gusht në Tiranë si dhe në Elbasan ndërsa çmimet variojnë nga 10 mijë lekë deri në 150 mijë lekë të vjetra.

Postimi i FSHF-së:

“5 shtator 2021
Shqipëri – Hungari
18:00
“Elbasan Arena”
Online në?
Nga 23 gushti biletat mund të blihen në Tiranë pranë stadiumit kombëtar “Air Albania” dhe stadiumit “Selman Stermasi”Nga 26 gushti në biletarinë pranë stadiumit “Elbasan Arena”
#fshf”-shkruan FSHF.