Ndahet nga jeta Artisti i Madh Sherif Merdani, Basha mesazh ngushëllimi: Shpirti i tij u preftë në paqe

Kreu i demokratëve ka shprehur ngushëllimet për ndarjen nga jeta të artistit të madh Sherif Merdani.

Shkrimi i plotë:

“Me trishtim mësova lajmin e ndarjes nga jeta të artistit të njohur Sherif Merdani. Sherifi ishte një nga artistët më të spikatur të brezit të tij. Zëri dhe arti i tij kumboi fort dhe në errësirën e regjimit dhe të burgjeve të komunizmit në të cilat ai kaloi 16 vite të jetës. I shpreh ngushëllimet më të thella familjes, të afërmve, miqve dhe të gjithë komunitetit të artistëve shqiptarë që sot humbën të afërmin dhe mikun e tyre! Shpirti i tij u prehtë ne paqe!”, – shkruan Basha.