Mrekullitë ndodhin, Benzema mund të luajë në Botëror

Para pak ditësh u raportua se Karim Benzema humbi Kupën e Botës për shkak të një dëmtimi.

Sipas raportimeve nga “RMC Sport”, Benzema mund të rikthehet me ekipin e Francës. Është mësuar se bomberi francez është duke bërë të pamundurën që të rikuperohet në kohë dhe vendimi përfundimtar për aktivizimin e tij do të merret nga mjekët e klubit dhe kombëtares së tij.

Një detaj që bën që kjo gjë të realizohet është se Deschamps nuk e ka hequr nga lista e lojtarëve, pra sipas rregullores, Benzema mund të bashkohet sërish me grupin.