Moderatorja Fjodora Fjora rrëfen të papriturën që i ndodhi në Turqi: Ulërimat e mia i dëgjoi i gjithë aeroporti

Moderatorja e njohur Fjodora Fjora, ka rrëfyer një histori me djalin e saj, teksa ndodheshin në aeroportin e Bodrumit në Turqi.

Në një intervistë në “KlanTv”, ajo është shprehur se është tronditur kur djali i ka humbur nga sytë në një moment në aeroport.

Pjesë nga biseda:

Megi Latifi: Fjodora të ka ndodhur ndonjëherë në publik që ke dashur, t’ia fusësh ndonjë shpullë, po e ke mbajtur veten?

Fjodora Fjora: “Do ua tregoj se çfarë ka ndodhur. Më ka ndodhur njëherë, kur Alteo ka qenë 3-vjeç e gjysmë. Ai ishte i vogël dhe ne ishim në aeroport në Turqi. Ndërkohë që po kalonim për t’u futur aty ku janë autobusët, shkallët. Nuk e mbaj mend ç’ka qenë. U hap dera te ‘gate’ dhe nga ajo dilet drejt e te rruga ku kalonin autobusët që të çonin te aeroporti. Dhe po kalonin njerëzit, ky ja fut një vrapi, kalon atë gruan te check-in dhe del drejt në rrugë”.

Aldo: Jo! Të iku truri.

Fjodora Fjora: “Ulërimat e mia mund t’i ketë dëgjuar gjithë Aeroporti i Bodrumit. Në momentin që e kam kapur, se e kapa! E mbajta nga rrobat dhe nuk e lëshoja se u terrorizova komplet. Dhe ai qeshte!”.

Megi Latifi: Tani s’e meritonte ai t’ia fusje një shpullë.

Fjodora Fjora: “U mjaftova me ta kapur nga rrobat”.