Mjafton kjo dorashkë për të na bindur se sa vend qesharak jemi. Kush e lëvizi dorashkën? (FOTO)

Lehtësia e grabitjes spektakolare në Rinas si edhe niveli skandaloz i sigurisë tregoi se sa shtet qesharak kemi mundur të ndërtojmë deri më tani.

Mirëpo, duket se nuk mbaron me kaq ajo histori. Pasi dogjën makinën e parë për të futur në kurth policinë, grabitësit shkuan me një tjetër makinë në tunelet e fshatit Dritas pak kilometra nga Rinasi duke i vënë edhe aty flakën makinës, shkruan Albeu.com.

Pas kësaj nuk ka asjnë gjurmë të autorëve. Mirëpo, në nxitim e sipër, autorët kishin harruar aty një dorashkë që besohet se u përdor gjatë grabitjes.

Atë dorashkë e konstatuan gazetarët e kronikës që shkuan në vendin e ngjarjes.

Tre ditë më parë, gazetari i A2 CNN Jul Kasapi, bëri një postim me foto nga dorashka duke shkruar se ishte një provë nga vendi i ngjarjes.

Kjo dorashkë nuk u mor nga grupi hetimor atë ditë, madje as ditën tjetër, ku një tjetër gazetar kishte shkuar dhe e kishte zhvendosur nga vendi ku ndodhej më parë.

U deshën tre ditë që grupi hetimor të shkonte sërish në vendin e ngjarjes dhe të adminstronte si provë atë dorashkë që dyshohet se i përket njërit prej grabitësve.

Kjo tregon edhe se sa seriozisht e ka policia dhe prokuroria në veprimet për zbulimin e kësaj ngjarjeje. /albeu

Data 10 prill

Data 11 prill

Data 12 prill