Meta nderon ushtarakisht efektivin e Gardës: Ti do jesh ushtari i dytë në mbrojtje të Republikës, i pari jam unë

Kamerat kanë kapur një moment të veçantë sot nga dalja e Presidentit të Republikës Ilir Meta nga Presidenca.

Para se të prononcohej për mediat, Kreu i Shtetit është ndalur para ushtarit të Gardës së Republikës dhe e ka nderuar me një përshëndetje ushtarake.

Mësohet se Meta i tha ushtarit të Gardës: “Ti do jesh ushtari i dytë në mbrojtje të Republikës se ushtari i parë do jem unë”.

Meta e bëri këtë veprim para se të dilte të fliste për gazetarët, ndërkohë që bëri thirrje për Referendum ndaj qeverisë, por edhe ndërkombëtarëve.