Larg politikës, Lulzim Basha filmohet në Holandë pranë një kantieri ndërtimi

Pas dorëheqjes nga drejtimi i PD, Lulzim Basha ka mbajtur një profil të ulët publik, duke u shfaqur vetëm në seancat parlamentare.

Duket se gjatë kësaj kohe, Lulzim Basha ka dashur që të vijojë aktivitetin e tij jashtë optikës mediatike, ku së fundmi, ish-kryetari i PD është filmuar në Amsterdam të Holandës, pranë një kantieri ndërtimi.

Në një video të publikuar në media, Basha shfaqet i qeshur krah bashkëshortes së tij, Aurela.

Videoja është publikuar sot në media, por nuk është e qartë nëse pamjet janë aktuale.

Basha pas një beteje të fortë disa mujore me Sali Berishën, për drejtimin e PD vendosi që të largohet nga drejtimi i demokratëve, duke futur në “lojë”, Enkelejd Alibeajn, i cili edhe pse PD zyrtare e ka shkarkuar nga çdo funksion, deklaron se është ende kryetar i grupit parlamentar.