Kush është Drita Lulo, gruaja “bose” e hidrocentraleve në Shqipëri që i dhuroi miliona vëllait gjykatës

Fatos Lulo ishte i pari “peshk” që ra në rrjetën e Komisionit të Pavarur të Kualifikimit për Vettingun pasi nuk justifikoi dot pasurinë. KPK vendosi ta shkarkojë menjëherë pas seancës së parë dëgjimore. Në historinë e vetëdeklarimit, Lulo ka përfshirë edhe të motrën Drita Lulo së cilës ai pretendoi se, në vitin 2005, kur ishte ende avokat, i ktheu një shumë të marrë borxh prej 480 mijë dollarësh. Pra e motra i kishte dhënë hua të vëllait gjyqtar 480 mijë dollarë, raporton newsbomb.al.

Vetëm 3 vjet më vonë, në vitin 2008 Drita i dhuron sërish 100 mijë dollarë të vëllait e në vitin 2009, plot 200 mijë (një zyrë prej 172 metrash katrorë në Tiranë).

Po kush është Drita Lulo, kjo grua që ka dhuruar një pasuri të tërë për vëllain?

Drita Lulo, me profesion inxhiniere ka në pronësi të saj, si aksionere, plot 4 kompani të cilat lidhen me investimet në fushën e hidrocentraleve dhe marrjen me konçension të tyre. Zonja Lulo rezulton ortake në këto kompani me Edmond dhe Eva Pingulin, shkruan newsbomb.al. Edmond Pinguli është administratori i TeknoProjekt, profesor, doktor dhe inxhinier i dekoruar edhe nga Presidenti Nishani me titullin Mjeshtër i Madh.

KOMPANIA E PARË–  DENYL sh.p.k. Objekti i Aktivitetit: Investim ne fushen e ujesjellesave dhe marrje me koncension te tyre ne te gjithe territorin e Republikes (Ortakë të tjerë Eva Pinguli e Edmond Pinguli)

KOMPANIA E DYTË: DYNE sh.p.k. Objekti i Aktivitetit: Investim ne fushen e hidrocentraleve dhe marrjen me konçension te tyre ne te gjithe territorin e Republikes se Shqiperise. (Ortakë Eva Pinguli Edmond Pinguli)

KOMPANIA E TRETË: EDE Objekti i Aktivitetit: Investim ne fushen e hidrocentraleve, dhe marrjen me koncension te tyre ne territorin e RSH (Ortake, Eva Pinguli)

KOMPANIA E KATËRT: ENEDY sh.p.k. Objekti i Aktivitetit: Investim ne fushen e hidrocentraleve e marrjen e tyre me koncesion (Ortakë, Eva Pinguli, Edmond Pinguli)