Kosovë: Përshkallëzohet protesta në Prishtinë

Kosovë: Përshkallëzohet protesta në Prishtinë, merr flakë një kënd i ndërtesës së Qeverisë

PRISHTINË, 9 Janar

Ndërtesa e Qeverisë ka marrë flakë nga shishet e shumta të Molotovit që protestuesit kanë gjuajtur në drejtim të Qeverisë.

Pas kësaj ka ndërhyrë Policia e Kosovës e cila ka gjuajtur protestuesit me gaz lotsjellës.

Protestuesit e thirrur nga opozita janë mbledhur në sheshin “Skënderbeu” në Prishtinë, ku po zhvillohet protesta e paralajmëruar kundër qeverisë për marrëveshjen e firmosur në Bruksel me Serbinë kundër Asociacionit të komunave serbe, si dhe demarkacionit me Malin e Zi.

Ata mbajnë në duar edhe harta që tregojnë për territorin që pretendojnë që qeveria do t’ia jap Malit të Zi.

Lideri i AAK-së Ramush Haradinaj para qytetarëve të shumtë në sheshin “Skënderbeu” ka thënë se sot është dita kur do të bjerë Qeveria.”Po vjen dita juaj qytetarë. Po vjen dita juaj atdhetarë, dita juaj të rinjë e të reja. E drejta po fiton. Ne i themi “jo” korrupsionit që e ka varfëruar Kosovën, “jo” Kosovës pa ushtrinë e vet, “jo” “zajednicës” që na e sjell Serbinë në Kosovë, “jo” demarkacionit, që nga Çakorri e afron kufirin në Kuqishtë dhe nga Kulla e Zhlepit në Savino Vodë”, tha Haradinaj.

Ndërsa Lideri i Nisma-s për Kosovën, Fatmir Limaj ka thënë para mijëra protestuesve se Kosova është bashkuar në Prishtinë për t’u thënë shkelësve të Kushtetutës, që nuk mund të qeverisni më shtetin e Kosovës.
Limaj ka deklaruar se nuk ka shtet në Evropë që pranon qeverisjen nga një Qeveri që ka shkelur Kushtetutën, të cilët për muaj të tërë kanë tentuar ta përlajnë qytetarët e Kosovës.

“Qeveria nëse nuk e ka kuptuar deri mbrëmë se çfarë ka bërë, sot në sheshin Nënë Tereza dhe sheshin Skenderbe ka ra Qeveria e Kosovës, ne kërkojmë zgjedhje të lira dhe të zgjidhet kriza politike”, tha Limaj.

Në fjalimin e tij para mijëra protestuesve, kryetari i Lëvizjes Vetëvendosje, Visar Ymeri, tha se masiviteti i qytetarëve në protestën e opozitës, tregon se pushteti nuk mbahet me dhunë, polici e shtypje. Ymeri theksoi gjithashtu se nuk mund të ketë demokraci kur në krye të shtetit qëndrojnë shkelësit e Kushtetutës.

Për këtë Qeveri, Ymeri tha se po tenton ta zhbëj Republikën e Kosovës. Sipas Ymerit, përkundër vendimit të Gjykatës Kushtetuese, kryeministri Isa Mustafa dhe zëvendësi i tij, Hashim Thaçi, po vazhdojnë ta kërcënojnë Republikën duke insistuar në themelimin e AKS-së. Në fund Ymeri tha se “është koha e zhvillimit, e mirëqenies, e barazisë”. “Kjo kohë fillon sot me ju, pa Zajednicën, pa Isën e Hashimin”, tha ai.

Ndërkohë Lëvizja Vetëvendosje nëpërmjet një postimi në “Facebook” thotë se në protestën e sotme të pranishëm janë mbi 100 mijë qytetarë të vendit. ““Protesta më e madhe pas luftës! Pjesëmarrja masive e mbi 100 mijë qytetarëve tregon mbështetjen e madhe që kanë kauzat e opozitës”, thuhet në këtë postim. Sipas Vetëvendosjes, Qeveria tani nuk ka mbështetje dhe duhet të largohet.
Protesta e opozitës në sheshin “Skënderbeu” po përshkallëzohet në dhunë, pasi disa nga protestuesit kanë filluar të gjuajnë fishekzjarre dhe objekte të ndryshme në drejtim të selissë së Qeverisë.

Nga ana tjetër, aktivistët e Lëvizjes Vetëvendosje që po ruajnë rendin, po mundohen të mos lejojnë protestuesit të afrohen te selia e Qeverisë.

Ndërsa, qeveria e Kosovës nga mbledhja e pasdites së djeshme, e dyta brenda ditës, u ka bërë thirrje partive politike të opozitës që, “protestën e paralajmëruar për të shtunën në Prishtinë, ta organizojnë në mënyrë të qetë dhe paqësore”.

Herën e kaluar, në 28 nëntor, në manifestimin e opozitës në Prishtinë sipas vlerësimeve të saj ishin 35 mijë pjesëmarrës.
Në kundërshtim të katër marrëveshjeve të 25 gushtit 2015 me Serbinë, veçanërisht asaj për asociacionin e komunave me shumicë serbe në Kosovë, si dhe të marrëveshjes për demarkacionin e kufirit me Malin e Zi, tre subjektet opozitare, Lëvizja Vetëvendosje, Aleanca për Ardhmërinë dhe Nisma, me gjithësej 31 deputetë në parlamentin 120 anëtarësh, kanë organizuar protesta, aksione simbolike e manifestime, si dhe kanë bllokur Kuvendin e Kosovës edhe me hedhje gazi lotsjellës në sallën e seancave plenare e jashtë saj, ndërsa në këto zhvillime kishte edhe të arrestuar, përfshirë deputetë opozitarë.

“Numri total i deputetëve opozitarë të arrestuar në datën 14 dhjetor është nëntë, ndërsa numri total i deputetëve të arrestuar është 13”, theksonte në një njoftim Lëvizja Vetëvendosje në mesnatën e mesit të dhjetorit 2015, ndërkohë që Kuvendi i Kosovës, në orët e vona të natës kishte mbajtur seancë në sallë alternative, derisa deputetët e opozitës kishin qëndruar në sallën plenare, të cilën, sipas diskutimeve të pozitës, e kishin uzurpuar dhunshëm.
Në 23 dhjetor 2015, Gjykata Kushtetuese, pas kërkesës që i është bërë nga Presidentja e Republikës të vlerësojë përputhshmërinë e dokumentit të emërtuar “Asociacioni/Bashkësia e komunave me shumicë serbe në Kosovë – parimet e përgjithshme/elementet kryesore”, ka vendosur se, “këto Parime nuk janë tërësisht në përputhje me standardet kushtetuese përkatëse dhe ka konkluduar se akti ligjor i qeverisë së Republikës së Kosovës dhe Statuti duhet të jenë në përputhje”.

Pas këtij vendimi, qeveria e Kosovës ka siguruar se, “i tërë procesi dhe çdo akt juridik për të finalizuar asociacionin e komunave me shumicë serbe do bëhet duke u bazuar dhe respektuar konkluzionet e Gjykatës Kushtetues” dhe se “edhe Statuti i asociacionit do dërgohet në Kushtetuese