Këlliçi bën paralajmërimin ‘bombë’: Do të publikojmë fakte në ditët në vijim, cila ishte lidhja mes inceneratorëve dhe Teatrit Kombëtar

Deputet i Partisë Demokratike, Belind Këlliçi ka folur mbrëmjen e sotme në një emision televiziv në lidhje me inceneratorët, ku ka bërë një deklaratë të fortë, ku ka zbuluar se Inceneratorët, projekti i Unazës së Madhe dhe Teatri Kombëtar janë të lidhura.

“Ti dënon këto kompani, e fakton që ka evazion, dënon ministrin dhe jep lekët, miliona euro, edhe në kohë pandemie. Absurdi është se kjo del e pranon. Ditët në vijim do shihni se si ka mundësi që zonja kur ka qenë në drejtimin e Tatimeve, nisnin proceset nga hetimet Tatimore, hapte procesin për të bërë verifikime, por të kesh kompani që bën ananas, shet beton dhe kompani që shesin babanë dhe blejnë çelik. Mbylleshin raportet.

Do i shihni në ditët në vijim. Do e keni lajm.

Do shihni si ka mundësi që zonja ka qenë në drejtim të Tatimeve, niste procesi i verifikimeve, ke kompani që shesin banane e shesin çelik dhe mbylleshin raportet. Do të shihni dokumente në ditët në vijim se si Teatri Kombëtar inceneratorët Unaza re janë të lidhura me personat përgjegjës për mbikëqyrjen e kontratave dhe punëve.

Janë të njëjtat kompani pas të tre aferave. Na jepni edhe pak kohë. Është një telenovelë që nëse drejtësia do të ketë vullnet të shkojë deri në gjysmë, Erion Veliaj shkon para drejtësisë. Dokumentet do të publikohen në ditët në vijim”, tha ai.

Në lidhje me punën në Komisionin Hetimor, Këlliçi ka zbuluar se e ka bërë më së miri detyrën dhe ka zbuluar se ka bashkëpunuar edhe me LSI për informacione të cilat më pas i ka bërë publike.

“Jam i vetmi në atë komision që kam denoncuar me emër kompanitë të dënuara për rimbursim të TVSH dhe evazion fiskal. Nuk kam kompleks ta fsheh, kam pasur një bashkëpunim me LSi për informacione të plota që më janë vënë në dispozicion që i kam publikuar për publikun.

Kam denoncuar kopani që nuk janë më pjesë e raportit të fundit të dërguar në Parlament.

Besoj që detyrën si përfaqësues i PD në atë komision e kam bërë më së miri. Çdo informacion e kam bërë publik dhe vendimin e gjykatës së Kumanovës ku kishte bërë aksident ZV kryeministri Arben Ahmetaj, shkresa e Veliajt me firmë e vulë në mars 2017 që ndërroi fatin e inceneratori e Tiranës që i dha 128 milion euro për 24 orë. Mjafton ajo për të pasur pas hekurave Veliajn sot.

Një pjesë e kompanive janë të dënuara. Habia është që për këtë aferë dhe kontratat e Elbasanit është në burg Koka ndërsa kompanitë përgjegjëse nuk janë marrë ende në pyetje, nuk kemi askënd të ndiqet penalisht”, tha ai.