“Kam folur haptas kundër Bashës”, Erion Kristo: Është edhe qesharake kjo PD-ja

Pedagogu Erion Kristo deklaroi në emisionin Politiko në Top Neës, se pavarësisht se e ka mbështetur opozitën në kauzat e saj, Lulzim Basha nuk është i duhuri.

Kristo tha në Politiko se PD-ja është kthyer në qesharake, ndërsa pati një mesazh edhe për ish-kryeministrin Sali Berisha . Sipas tij, Berisha flet vetëm kur është në interesin e tij, ndërsa mbylli gojën disa muaj më parë ku diskutohej për mos zbatimin e statutit të PD-së.

Deklarata e Kristos:

“Unë e kam përkrahur opozitën, sepse mendoj se problemi vjen nga qeveria. E kam përkrahur edhe Lulin, por kam folur haptas kundër tij. I kam thënë Berishës, po ju nuk keni tjetër në PD. Është edhe qesharake kjo PD-ja. Para ca muajsh dolën dhe thanë nuk zbatohet statuti. Tani del Sali Berisha dhe thotë se nuk zbatohet statuti. Edhe kjo që thotë Beni, ka kërkuar falje. Për çfarë, që ka vrarë shpresën”, tha Kristo.