“Izraeli po bën krime lufte në Gaza”, senatori amerikan: Derisa Netanyahu të lejojë ndihmat humanitare, Biden duhet të merr masa

Senatori amerikan Chris Van Hollen ka akuzuar Izraelin për krime lufte në Rripin e Gazës.

“Fëmijët në Gaza tani po vdesin pasi qëllimisht janë lënë pa ushqim. Ky është një krim lufte. Dhe kjo i bën kriminelë lufte ata që e orkestrojnë ngjarjen.

Pra tani pyetja është se çfarë do të bëjnë Shtetet e Bashkuara për këtë gjë? Çfarë do të bëjmë ne? Çfarë do të bëjë Presidenti Biden? Presidenti Biden duhet të marrë masa në përgjigje të asaj që po ndodh”, tha ai në fjalën e tij e Senat.

Van Hollen deklaroi se para së gjithash presidenti duhet të kërkojë që qeveria e Netanyahut të lejojë më shumë ndihmë në Gaza dhe derisa të ndodhë kjo, Biden duhet të ndërpresë ndihmën për Izraelin.