Ish-anëtarja e Këshillit Kombëtar të PD-së: SPAK të hetojë kunatin e Bashës

Ish-anëtarja e Këshillit Kombëtar të PD-së, Edith Harxhi kërkoi nga SPAK që të hetojë aferën në portin e Durrësit, pasi thuhet se kunati i Bashës është ortak me personin që ka fituar tenderin prej 20 miliardë dollarësh.

“Nëse janë të vërteta ato që thuhen, që kunati i tij është ortak me njërin nga ata që kanë fituar tenderin 20 miliardësh, është lidhje e drejtpërdrejtë, ndaj SPAK duhet të hetojë. Duhet hetim i menjëhershëm për të gjitha ato që kanë dalë në media”, tha Harxhi për Euro News Albania.