IGJEUM del me njoftimin e rëndësishëm, ngre alarmin për atë që parashikohet të ndodhë sot dhe nesër në këto qytete në vendin tonë

Instituti i Gjeoshkencave, Energjisë, Ujit dhe Mjedisit njofton se ditën e sotme dhe të nesërme parashikon një rrezik të lartë për zjarret në pyje për shkak të temperaturave të larta në qarkun e Fierit.

Niveli i rrezikut paraqitet i moderuar dhe i ulët në zonat e tjera të vendit.

NJOFTIMI I IGJEUM:

“Sot pasdite (e mërkurë dt.21) dhe nesër (e enjte dt.22) pritet nivel “i lartë” rreziku në qarkun Fier, ndërsa niveli “i moderuar” rreziku në qarqet Shkodër, Lezhë, Durrës, Elbasan, Vlorë dhe Gjirokastër.

Në qarqet Kukës, Dibër, Tiranë, Berat dhe Korçë pritet nivel “i ulët” rreziku (siç tregohet në tabelë, respektivisht për secilin qark). Rreziku pritet të jetë më i lartë ditën e nesërme” – njofton IGJEUM.