Hynte në shtëpi dhe merrte ç’të gjente, por sëfundmi bëri gabimin fatal

Policia arrestoi dje një hajdut profesionist shtëpiash, i cili si duket jetonte me këtë aktivitet të jashtëligjshëm. Organet e rendit bëjnë me dije se kanë të konfirmuara se 39 vjeçari ka kryer vjedhjen e tre banesave dhe një celulari.

“Këtij shtetasi i janë gjetur dhe sekuestruar në cilësinë e provës materiale: orë dore, dy varëse, dy çanta dore femrash, të vjedhura në banesa dhe pinca, kaçavidë, çekan e një çelës anglez, të cilat dyshohet se i përdorte për hapjen e banesave”, bën me dije policia.

Njoftimi i policisë

Finalizohet operacioni policor i koduar “Egnatia”, për zbardhjen e vjedhjeve të banesave.

Operacioni nga Komisariati i Policisë Nr. 1.

Kapet dhe ndalohet 1 shtetas, i dyshuar si autor i 4 rasteve të vjedhjes së banesave.

Sekuestrohen në cilësinë e provës materiale sende të vjedhura në banesa dhe mjete, të cilat dyshohet se i përdorte për realizimin e vjedhjeve.

Shërbimet e Komisariatit të Policisë Nr. 1, në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, bazuar mbi informacionet e marra në rrugë operative dhe pas një pune të mirfilltë hetimore, finalizuan operacionin policor të koduar “Egnatia”, në kuadër të të cilit kapën dhe ndaluan shtetasin:

G. T., 39 vjeç, banues në Tiranë.

Specialistët për Hetimin e Krimit , bazuar në provat e grumbulluara, informacionet e mara në rrugë operative dhe veprimeve hetimore të kryera bënë të mundur zbardhjen dhe dokumentiin me prova ligjore të 4 rasteve të vjedhjes së banesave nga ky shtetas dhe konkretisht:

Më datë 06.11.2019″>2019, në rrugën “Ali Shefqeti”, në banesë, i ka vjedhur aparatin celular shtetasit I. A.

Më datë 29.10.2019″>2019, në rrugën “Shaban Baxhaku”, ka vjedhur në banesën e shtetasit A. P.

Më datë 23.10.2019″>2019, në rrugën “Dhimitër Kamarda”, ka vjedhur në banesën e shtetasit H. Z.

Më datë 02.11.2019″>2019, në rrugën “Leandro Zoto”, ka vjedhur në banesën e shtetases Xh. Z.

Këtij shtetasi i janë gjetur dhe sekuestruar në cilësinë e provës materiale: orë dore, dy varëse, dy çanta dore femrash, të vjedhura në banesa dhe pinca, kaçavidë, çekan e një çelës anglez, të cilat dyshohet se i përdorte për hapjen e banesave.

Materialet proceduriale i kaluan për veprime të mëtejshme Prokurorisë Pranë Gjykatës së Shkallës Parë Tiranë, për veprën penale ‘”Vjedhja”.