Gazment Bardhi: Ditë zie për familjen tonë të madhe, ndarja nga jeta e Bujar Nishanit, na ka tronditur të gjithëve

Deputeti Gazment Bardhi, ka reaguar për ndarjen nga jeta e të ish-Presidentit Bujar Nishani, duke thënë se largimi i tij nga jeta, është një ditë zie për familjen e demokratëve.

Sipas Bardhit, humbja e tij i ka tronditur të gjithë, ndërsa i shpreh ngushëllime familjes.

“Sot për familjen tonë të madhe është një ditë zie. Ndarja e parakohshme nga jeta e Presidentit Bujar Nishani na ka tronditur të gjithëve. Ngushëllimet më të ndjera familjes, të afërmve dhe miqve, të prehet në paqe dhe përherë i paharruar në kujtimet tona”, shkruan Bardhi.