Gafë në Lojërat Mesdhetare, ngatërrojnë himnin shqiptar me atë qipriot

Gjatë ceremonisë së dhënies së medaljes, ndaj atletes shqiptare Luiza Gega, ka ndodhur një incident nga organizatoret e Lojërave Mesdhetare.

Ata vendosën një himn tjetër në vend të atij të flamurit shqiptar, gjatë ceremonisë së medaljeve, ku e para në shkallën më të lartë të podiumit ishte Luiza Gega.

Himni i luajtur ishte i Qipros, mesa duket organizatorët e kanë ditur se atletja shqiptare ishte nga ky shtet, pasi dhe diploma e akorduar e cilësonte si pjesëtare e ekipit qipriot.

Për Shqipërinë kjo është medalja e tretë në Oran 2022, pas atyre të marra nga mundja.