Familja mbretërore tregon në Twitter emrin e Princit të ri të Britanisë

Duka dhe dukesha e Kembrixhit e kanë quajtur fëmijën e tyre të tretë Louis Arthur Charles.

Lajmi është bërë i ditur nëpërmjet një postimi në Twitter nga Pallati Kensington, i familjes mbretërore në Britaninë e madhe.

“Fëmija do të njihet si Lartmadhëria e tij, Princ Louis i Kembrixhit”, thuhej në Twitter, teksa theksohej se shqiptimi do të ishte Lui, jo Luis.

Princi i ri, që erdhi në jetë të hënën, është i pesti në radhë për të trashëguar fronin mbretëror.