Deputeti Shehu reagon ndaj deklaratës së Ramës: I vetmi kryeministër në Europë që u ofron qytetarëve terror, u detyrua ambasada e Zvicrës të përgënjeshtrojë

Deputeti i Partisë Demokratike, Tritan Sehu, ka përgënjeshtruar deklaratën e kryeministrit Rama se qeveria zvicerane ka vendosur penalitet me burg deri në 3 vjet për këdo që ngroh me më shumë se 19 gradë celcius termostatin në banesë.

Përmes një postimi në facebook Shehu shkruan se ky është një mashtrim, i njëjtë me atë që kryeministri bëri gjatë kohës së pandemisë, ku videot nga Algjeria ku dhunoheshin qytetarët që shkelnin karantinën, i paraqiti sikur ndodhnin në Spanjë.

POSTIMI I PLOTË:

“Terrorizimi i popullit, i vetmi “sherbim” ndaj shqiptareve i Rames!

Rama eshte i vetmi kryeminister ne Europe, qe u ofron qytetareve terror, ne vend te zgjidhjes se problemeve te tyre!

Ju kujtohet gjate Covid, pikerisht ne datat 20 mars 2020, kur ai mbushi mediat me pamjet e genjeshtra nga Spanja ku gjoja dukej policia e atij vendi duke goditur popullesine me shkopinj.

Ambasada spanjolle menjehere e pergenjeshtroi kete lajm te Rames.

Para pak ditesh, prej tribunes se Kuvendit nje veprim terrorizues i ngjashem.

“Zvicra paskish vendosur tre vite burg per ata qe do te mbanin termostatin e kondicionerit mbi 19 grade”, deklaroi ai.

Genjeshter edhe kjo, qe detyroi ambasaden e Zvicres ta pergenjeshtoje.

Dhe nderkaq vazhdon ai dhe qeveria e tij terrorin mbi qytetaret, duke i kercenuar se cmimi i energjise do te rritet 4 here!

Ndersa “orkestra” rilindase vazhdon me “keshilla” per tu lare nje here ne jave, fikur dritat ne oren 22, ngrohur me… e te tjera absurditete mesjetare te tilla.

Terrorizimi i cdo lloji eshte menyra e vetme, qe njohin autokratet per te qeverisur.

Eshte i vetmi “sherbim”, qe ata i bejne e dine t’i bejne popujve te tyre.

Per aq kohe sa popujt i lejojne te qendrojne ne pushtet e te sundojne.

Per aq kohe sa nuk jane ngritur per t’i permbysur, si e vetmja menyre per te shpetuar nga ata e terrori i tyre.

Per te kthyer demokracine dhe mireqenien ne vend.

Po ju bashkengjis edhe disa sekonda nga fjala ime e dates 15 Shtator ne Kuvend, pikerisht per ate cfare Rama deklaroi ndaj Zvicres, si dhe keq perdorimin prej tij te Spanjes”, ka shkruar Shehu.