Dalja nga unioni! Arrihet marrëveshja e shumëpritur pas Brexitit mes Britanisë së Madhe dhe BE-së

Britania e Madhe arriti marrëveshje tregtare pas Brexit-it me Bashkimin Europian të enjten, shtatë ditë para se të dalë nga blloku evropian.

Qeveria britanika tha se “Marrëveshja është një lajm fantastik për familjet dhe bizneset në çdo pjesë të Mbretërisë së Bashkuar”.

“Ne kemi marrë përsëri kontrollin e parave tona, kufijve, ligjeve, tregtisë dhe ujërave tona të peshkimit. Kjo do të thotë që ne do të kemi pavarësi të plotë politike dhe ekonomike në 1 Janar 2021“, tha qeveria britanike përmes një deklarate, raporton REL.

Von der Leyen shprehet se ‘Më në fund kemi gjetur një marrëveshje.Ishte një rrugë e gjatë dhe me gjarpërime, por ne kemi një marrëveshje të mirë për të treguar.”

Ajo shton se marrëveshja është “e ndershme” dhe “e ekuilibruar” gjithashtu ishte “e drejtë dhe e përgjegjshme” për të dy palët që negociuan, raporton BBC.