Çmendet 51-vjeçari, ther dhëndrin dhe i sulet edhe gruas

Policia ka vënë në pranga një shtetas në Poliçan pasi i nguli thikën dhëndrit të vet.

Burime zyrtare nga policia bëjnë me dije se Behar K, 51 vjeç, nga fshati Zhitom i Poliçanit u arrestua nga Policia, pasi i nguli thikën dhëndrit të vet dhe iu kanos me egërsi së shoqes, K.K. 51 vjeçe, që u përpoq ta ndalonte.

Sherri ndodhi në shtëpinë e dhëndrit në Berat. Ky i fundit, O.Xh, 30 vjeç, u plagos lehtë nga thika dhe u detyrua të shkonte në spital për t’u mjekuar.

Policia tha se pas mjekimit, nuk qe e nevojshme të qendronte, por u largua për në banesë.

Megjithatë, kryefamiljari do të ndiqet nga Prokuroria e Rrethit Gjyqësor Berat për veprën penale “Dhuna në familje”.