“Big Brother Vip”, përlotet Donaldi: Kam bërë shumë për njerëzit, ata për mua nuk kanë bërë asgjë

Në shtëpinë më të famshme në Shqipëri, gjatë një diskutimi situate ka agravuar në një debat të ashpër mes Donaldit dhe Semit.

I pyetur nga Merdiani, Donaldi deklaroi se nuk është në një lidhje me Borën dhe se nuk mund të vazhdojë të etiketohet si i dashuri i saj.

Kjo gjë revoltoi tepër Semin, e cila e prekur tha se Donaldi nuk mund të bëjë këtë deklaratë, sidomos pas puthjes romantike që ai dhe Bora shkëmbyen me njëri-tjetrin.

“Kjo kundërpërgjigje e ka mërzitur Donaldin, i cili i përlotur i është drejtuar banorëve me këto fjalë:
“Unë kam bërë shumë për njerëzit, ndërsa asnjë nuk bëri kurrë një gjë për mua. Nuk më ka pyetur askush nëse jam mirë apo jo. Dua thjesht të më lënë të qetë me jetën time. Po kalohen limitet këtu. Bora është një person që nuk është prezent këtu dhe nuk ka pse të përfshihet fare në diskutime”, është shprehur Donaldi.