Baton Haxhiu rendit katër betejat kryesore politike të 14 majit: Nëse Rama humbet këtë bashki është këputje dy krahëve të tij

I ftuar në një intervistë televizive, analisti dhe gazetari Baton Haxhiu ka renditur katër betejat kryesore që do të përcaktojnë garën e zgjedhjeve lokale.

Haxhiu theksoi në fjalën e tij, se kjo betejë për zgjedhjet lokale, do të kthehet në një garë për zgjedhje të përgjithshme.

“Nga viti 2011 kjo është beteja e parë për Tiranën. Kjo është beteja për numrin dy të PS-së.

Dy synimet janë, për të fituar betejën të ngjashme me 2011 dhe Edi Rama do të angazhohet personalisht në këtë betejë se humbja e Tiranës është këputje e dy krahëve të tij.

Beteja të tjera janë, Shkodra, Durrësi dhe Elbasani. Këto janë beteja politike që do ta vendosin Shqipërinë në një garë si zgjedhje të përgjithshme.

Këto 4 gara do të vendosin lidershipin”, tha Haxhiu.