Avokati e thotë hapur: Ja çfarë fshihet pas kërkesës së Ramës për dialog me studentët

Avokati i njohur Altin Goxhaj, i ftuar në studion Fax News, ka komentuar situatën aktuale në vend të krijuar nga protesta maratonë e studentëve, të cilët nga Ministria e Arsimit janë zhvendosur para Kryeministrisë, ku protestojnë prej ditësh për plotësimin e kërkesave të tyre.Goxhaj u shpreh se ka qenë gjithmonë prezent në këtë protestë, ndërsa u ka bërë thirrje studentëve të mos lejojnë partitë politike të përfshihen, ndërsa shtoi se studentët i kthyen vendit shpresën e humbur.
“Ndonëse jemi mësuar që prindërit të jenë ata që shpëtojnë fëmijët e tyre, me protestën e studentëve po ndodh ndryshe. Janë studentët ata që po shpëtojnë prindërit e tyre dhe të gjithëve ne. Studentët me protestën e tyre masive po kthejnë shpresën. Nëse do të mbytësh një popull mbyti atij shpresën, por këtë herë janë studentët ata që po kthejnë shpresën e humbur.

Në atë protestë ka pasur palë që kanë ndërhyrë për ta kanalizuar protestën e studentëve sipas interesave të tyre. Në televizion janë transmetuar sesi anëtarë të FRESSH, PD-së LSI-së por edhe të Organizatës Politike, kanë ndërhyrë”.

Duke komentuar procedimin penal të 25 pjesëmarrës në protestën studentore, mes të cilëve ishte edhe ai vetë, profesori Edmond Tupe, artisti Robert Aliaj etj., tha se gjithçka është bërë me urdhër nga Kryeministri, i cili më pas u detyrua së bashku me ministrin e Brendshëm të gënjejnë.

“Ky dokument i ishte dërguar prokurorisë me protokoll. E gjitha pastaj ndodhi pasi studentët reaguan në mënyrë të bashkuar, duke e çuar në hall të madh edhe Ministrin edhe Kryeministrin, të cilët u detyruan pastaj të gënjejnë”, – tha Goxhaj.

Duke u ndalur tek thirrja e vazhdueshme e Kryeministrit për dialog, Goxhaj u shpreh se kjo është një lëvizje për të manipuluar publikun, dhe për të marrë në dorë kërkesat e studentëve.

“Në të vërtetë ndodh se Kryeministri ka një plan të quajtur negociatë, për të marrë në dorë kërkesat e studentit. Sepse ja çfarë ndodh. Nëse ndryshon buxheti për Arsimin në 5% të GDP-së, ndryshon gjithçka tjetër në buxhet. Rama i do në zyrë që të manipulojë publikun. Sepse fitorja më e madhe është rikthimi i shpresës nga studentët. Ai kërkon të vrasë shpresën, pasi sipas tij 2% më shumë për Arsimin, do të thotë 2% më pak para për të vjedhur nga shteti”, – tha avokati Goxhaj.