Artan Hoxha: Policia ka dështuar 4 herë për të arrestuar Klemend Balilin

‘Klement Balili, i njohur si ‘Eskobari i Ballkanit’ gjendet në Shqipëri’. Kështu është shprehur gazetari i “Neës 24”, Artan Hoxha, ne emisionin “Kjo Jave”. Hoxha tha se Balili gjendet ne Shqipëri dhe se nuk ka tentuar te largohet jashtë vendit.

Ndërkohë, ditën e sotme, Policia ka kryer një operacion për kapjen e tij, por pa e gjetur personin e shpallur ne kërkim ndërkombëtar. Hoxha thotë se Balili u ka shpëtuar 4 operacioneve policore për arrestimin e tij deri me tani.

“Nuk ka patur informacion të saktë se ku mund të ndodhet Klemnt Balili, por janë filtruar zonat ky dyshohet se ai mund të ishte. Pati dyshime se ai ndodhej në jug të vendit. Për shumë kohë ai ka qëndruar në Tiranë.

Ka patur një moment në 16 tetor, ku u tha se ai ka kaluar në pikën e kalimit kufitar Tushemisht drejt Maqedonisë, me dokumente të falsifikuara. Por kjo gjë nuk është verifikuar. Janë bërë 4 tentativa për ta arrestuar Balilin, por kjo nuk është arritur.

Me akuzat e bëra nga PD, Klement Balili dha dorëheqjen e tij nga detyra si drejtor i Transportit në Sarandë, dhe në atë kohë Ministri i Drejtësisë tha se kjo u bë për t’i hapur udhë hetimeve.

Shumë kohë pas kësaj nisën operacionet për kapjen e tij. I pari operacion është zhvilluar në verë, gjatë kohës kur ka qenë piku i turistëve në Sarandë. U tentua të arrestohej, por operacioni dështoi, pasi ai u informua.

Operacioni i dytë është bërë diku rreth datës në 20 tetor. U dërgua skuadra speciale nga Tirana për të mos patur dekonspirim të operacionit, por në momentin kur u ngrit prita, ai la makinën dhe u largua. Në mjetin e blinduar ai la celularin për të shmangur arrestimin.

Tentativa e tretë u bë tre ditë më vonë. Pati informacion se ai do të ishte në një stadium ku luante Delvina. Duke përfituar nga fakti se në stadium ka shumë njerëz, aty u dërgua sërish nga Tirana skuadra speciale, e kamufluar si tifozë, civilë. Por ai nuk shkoi në stadium.

Pas ndeshjes është kontrolluar makina e kryetarit të bashkisë, por ai nuk u gjet. Tashmë, ditën e sotme ka nisur operacioni i katërt, por Balili ende nuk është arrestuar”, tha Artan Hoxha.

Me daljen e masës së sigurisë “arrest me burg” nga Gjykata e Krimeve të Rënda, tashmë çdo institucion që e has, duhet të njoftojë Policinë e Shtetit për prezencën e Klement Balilit.

“Arrestimi i tij është shumë i vështirë, por nëse ai do të ketë garanci se mund t’i shpejtojë ndonjë gjykimi të ashpër, ai edhe mund të vetëdorëzohet dhe të përfitojë nga kjo”, tha Hoxha.