Ish-gjenerali i lartë: Ja kur do të shpërthejë Lufta e Tretë Botërore

“Donald Trump dhe Kim Jong-un po e shtyjnë botën në një konflikt global”, ka paralajmëruar ish-gjenerali ushtarak Barry Mccaffrey.

Ai ka zbuluar frikën e tij se lufta do të shpërthejë në më pak se një vit, ose më saktë verën e ardhshme.

Komentet e frikshme vijnë pasi diktatori Kim ka përshkallëzuar kërcënimet e tij kundër Shteteve të Bashkuara dhe aleatëve të saj. Dhe Trump, nga ana tjetër, i ka përkeqësuar gjërat duke lëshuar paralajmërime të tmerrshme si ai që do të “shkatërrojë” shtetin e vetmuar.

Mccaffrey tha në një intervistë televizive për NBC: “Mendoj se presidenti ka humbur pothuajse të gjithë kredibilitetin me bashkësinë ndërkombëtare”.

“Gjuha e tanishme jashtë administratës, mungesa e një strategjie diplomatike dhe serioze të angazhimit, sipas mendimit tim, na bën të rrëshqasim drejt luftës deri në verën e ardhshme”, tha ai.

Koreja e Jugut dhe SHBA filluan dje stërvitjet e përbashkëta ushtarake në ujërat rreth gadishullit Korean.

Ata do të jenë atje deri të premten, tha të hënën një zëdhënës për ministrinë e Mbrojtjes së Jugut.

Kurse Koreja e Veriut ka denoncuar stërvitjet e përbashkëta ushtarake si një “provë për luftë”.