Sulmohet në Prishtinë gazetari investigativ dhe gruaja e tij

Gjatë orëve të mbrëmjes në Rrugën “Bajram Kelmendi” në Prishtinë është sulmuar gazetari Parim Olluri.

Disa dëshmitarë thane se, Olluri është sulmuar nga disa të rinj.

Sulmin e ka konfirmuar vet Olluri, i cili tha se në momentin e sulmit ka qenë me të fejuarën e tij, e cila për shkak të shqetësimit nga sulmi tani po merr trajtim mjekësor.

“Unë kam lëndime të lehta, mirëpo e fejuara është shqetësuar dhe tani po merr infuzion”, theksoi ai .

Asociacioni i Gazetarëve të Kosovës e ka dënuar sulmin fizik ndaj kolegut Parim Olluri, i ndodhur në orët e vona të së mërkurës.

AGK ka kërkuar nga organet e sigurisë që të zbulojnë këtë rast në afat optimal, duke thënë se “sulme të tilla, në themel dëmtojnë lirinë e shprehjes dhe medias”.