REZULTATET / Sondazhi me 18 partitë, ja sa përqind merr secila në 25 Qershor

Portali Lajme.al ka zhvilluar një sondazh ku për herë të parë qytetarët kanë pasur mundësi të zgjedhin mes 18 partive. Ndryshe nga sondazhet mediatike të mëparshme, Lajme.al u ka ofruar votuesve një ‘fletë votimi’ të plotë pa i kushtëzuar me pyetje tendencioze.

Kështu, për pyetje “Cilën forcë politike do të votoni në zgjedhjet e Shqipërisë më 25 Qershor”, lexuesit janë përgjigjur si më poshtë. Ajo që bie në sy është një avantazh i Partisë Socialiste me 8% ndaj forcës që kryeson Lulzim Basha.

Ndërkohë, Lëvizja Socialiste për Integrim mbetet forcë e tretë ndërsa surprizë në këto zgjedhje është një parti e sapo krijuar. Bëhet fjalë për Aleanca Popullorë për Drejtësi, e udhëhequr nga Bilal Kola dhe që përfaqëson spektrin e djathtë (kryesisht ish të përndjekurit politikë dhe ish pronarët).

LIBRA e Ben Blushit listohet pesta me 5% të votave ndërsa e gjashta është votuar SFIDA me një diferencë të vogël nga LIBRA.

Në listën e opsioneve janë listuar partitë politike që do të gjeni në fletën e votimit më 25 Qershor sipas regjistrimit në KQZ, pa përjashtuar asnjë mundësi. Kujtojmë se në sondazh kanë marrë pjesë lexuesit që janë votues, apo emigrantë në pamundësi të votimit. Në 1 javë në sondazhin e Lajme.al kanë marrë pjesë 709 votues ndërsa ai do të jetë i hapur deri në mbrëmjen e datës 24 Qershor.

 REZULTATI:

• Partia Socialiste (30%, 212 Vota)
• Partia Demokratike (22%, 153 Vota)
• Lëvizja Socialiste për Integrim (13%, 90 Vota)
• Aleanca Popullore per Drejtesi (6%, 43 Vota)
• Lista e Barabarte (5%, 35 Vota)
• Sfida per Shqiperine (5%, 35 Vota)
• Nuk do të votoj (5%, 33 Vota)
• Partia Social Demokrate (3%, 20 Vota)
• Partia Komuniste e Shqipërisë (2%, 15 Vota)
• Partia Drejtësi,Integrim dhe Unitet (2%, 12 Vota)
• Partia Kristian Demokrate (2%, 11 Vota)
• Partia Republikane Shqiptare (2%, 11 Vota)
• Partia Aleanca Demokristiane (1%, 9 Vota)
• Partia Demokracia Sociale (1%, 8 Vota)
• Fryma e Re Demokratike (1%, 7 Vota)
• Minoriteti Etnik Grek për të Ardhmen (1%, 5 Vota)
• Partia Bashkimi Demokristian Shqiptar (1%, 5 Vota)
• Aleanca Arbnore Kombëtare (1%, 4 Vota)
• Aleanca Demokratike (0%, 1 Vota)