Short drithërimash në Nyon të Zvicrës për fazën e 1/8-ave të Uefa Champions League. Shumë ndeshje interesante dhe dy superpërballje që jano ato Bayern-Arsenal dhe PSG-Barcelona. I pafat Napoli që peshkoi kampionët në fuqi të Realit të Madridit me Elseid Hysaj mbrojtësin e kombëtares shqiptare që do të ketë detyrën e vështirë për të markuar Cristiano Ronaldon. Më i lehtë shorti për Juventusin që do të sfidojë Porton, ndërsa 4 përballjet e tjera të ruandit të 1/8-ave janë Sevilla-Leicester, Bayer Leverkusen-Atletico Madrid, Benfica-Borussia Dortmund dhe Manchester City-Monaco.
Si për ironi të fatit Bayerni dhe Arsenali do të përballen për herë të 4-t mes tyre në këto 5 sezonet e fundit të Championsit pikërisht në fazën me eliminim direkt me ndryshimin e vetëm që këtë herë ndeshja e parë do të luhet në Mynih pasi ishte Arsenali kokë grupi. Paris Saint Germain- Barcelona është një tjetër sfidë spektakolare të cilën e kemi hasur shpesh në këto vitet e fundit. Favorit për të kaluar edhe këtë herë mbeten blaugranat e Luis Enriques që ndeshjen e kthimit do ta luajnë në shtëpi. Short i përballueshëm në letër për Manchester City-in e Pep Guardiolës që do të sfidojë në 1/8-at Monacon e Leonardo Jardim. Ashtu si në sezonin 2014-2015 Atletico e Madridit do të ndeshet me Bayer Leverkusen. Porto pasi eliminoi Romën në play-off do të kërkojë të surprizojë edhe Juventusin por pavarsisht gjithckaje bardhezinjtë janë dukshëm favoritë për të avancuar më tej. Një sfidë e barabartë mund të konsiderohet ajo mes Sevillas dhe Leicester-it edhe pse skuadra spanjolle ka më shumë më tepër eksperiencë në kompeticionet europiane se kampionët e Anglisë që drejtohen nga Claudio Ranieri. Kuadri i ruandi të 1/8-ave kompletohet me përballjen Benfica-Dortmund ku skuadra e Thomas Tuchel, në letër hyn si superiore.
Manchester City vs AS Monaco
Real Madrid vs Napoli
Benfica vs Borussia Dortmund
Bayern Munich vs Arsenal
FC Porto vs Juventus
Bayer Leverkusen vs Atletico Madrid
Paris Saint Germain vs Barcelona
Sevilla vs Leicester City
Diskutime rreth kësaj post