Floridën, në Amerikë, këto ditë e ka goditur uragani Matthew. Njerëzit në mënyra nga më të ndryshmet kanë vendosur që të përgatiten për stuhinë, por historia e 26 vjeçarit Randy është më interesantja.

Ai, në fakt, ka vendosur që veturën e tij, BMW E30 M3, ta mbroj nga uragani Matthew duke e parkuar në dhomën e ndejës, transmeton Koha.net. Ai këtë e ka bërë duke ndërtuar hyrjen e shtëpisë me dyer të dyfishta.

Gjatë stuhisë ai madje ka fjetur në kauç të dhomës së ndejës me qëllim që të jetë më afër veturës së tij, dhe në mëngjes kanë “ngrënë” së bashku.

Në Instagram, Randy ka postuar një fotografi në të cilën shihet se është duke ngrënë drithëra, ndërsa para BMW-së M3 ka vendosur vaj motori.

Për çdo rast, kjo është një ide shumë e mirë edhe pse uragani Matthew ka shkaktuar shumë dëme materiale dhe vdekjen e shumë njerëzve.