Rama thumbon LSI: Ju doni ta keni mirë me të gjithë!

Kryeministri Edi Rama ka shpërndarë sot disa çertifikata pronësie në Bradashesh të Elbasanit.

Si në të gjitha takimet e tjera, edhe në Elbasan nuk munguan batutat midis kryeministrit dhe banorëve. Rama i këshilloi fermerët që mos ziheshin më për pronat.

Kryeministri ka thumbuar aleatët në qeverisje Edi Rama, gjatë një aktiviteti ku u shpërndanë çertifikata pronësie në Elbasan. Në momentin që e ka thirrur për t’i  dhënë çertifikatën njërit prej banorëve, Rama e ka identifikuar si votues të LSI-së. “Ju të LSI e mbani mirë me të gjithë”,- ka thënë me humor Rama.

Batutat me qytetarët:

Rama: Ju demokratëve duhet t’ua japë Qazimi (Sejdini) certifikatat. Ngaqë kam bërë shumë takime, ju njoh në sy. Sa vini, vini kështu…ça do të them…hajde Qazim zgjidhe këtë punë se ti je i Partisë Demokratike.

Qazim Sejdini: Ta gëzosh ti bashkë me miqtë.

Rama: Ktheu andej ta shohin ata të partisë..

Banori: Më vjen shumë keq…të përshëndes…më pëlqen që qeveria mbështet pronarët.

Rama: Pse nuk ta dhanë më përpara..?

Banori: Këtë se di..

Rama: Ta them unë, kur jeni vet në pushtet thoni hë mos se s’ka gjë..rëndësi ka që të jetë mirë ai. Kur vijmë ne thoni e ka për detyrë. Ne e kemi për detyrë. Kur të shkosh në komision numëroi mirë ato votat. Prapë do humbni, por t’i numëroi prapë!

Banori: Patjetër!

Rama: Spiro Nasi, hajde Spiro se t’i qenke i joni! Ty ta jep Taulanti…

Rama: Miser Boshtu, hajde se qenke me LSI-në. Pse u skuqe? Hajde më këtej…nga kush e dëshiron certifikatën?

Banori: Nga kush të dëshirosh…

Rama: Ku të dojë dëshira ime? Se kështu e keni ju e mbani mirë me të gjithë. Hajde Ilir jepja ti se këtë e kemi të LSI-së.

Batutat kryeministri i bëri duke thumbuar LSI-në e Metës, pasi kishte dërguar Pandeli Majkon të takohej me Lulzim Bashën në hotel Rogner, pra kur e lidhi  konopin tek selia e PD-së.